د وردګ پوهنتون په علمي – څېړنیز کنفرانس کې د ننګرهار پوهنتون ګډونوال څېړونکي استادان وستایل شول.

ashraf_admin
یکشنبه ۱۴۰۵/۹/۱ - ۱۵:۵۶

ننګرهار پوهنتون خپل هغه استادان وستایل، چې د لوړو زده کړو محترم وزارت په رهبرۍ او وردګ پوهنتون په کوربه توب جوړ شوي (د عالیقدر امیرالمؤمنین شیخ الاسلام حفظه الله تعالی و رعاه د فرمانونو د اغېزو علمي – څېړنیز کنفرانس) کې یې ګډون او خپلې مقالې ارایه کړې وې.

یاد کنفرانس لپاره د ننګرهار پوهنتون د استادانو ۶۱ څېړنیزې مقالې منل شوې وې، چې له کبله یې دې پوهنتون لومړی مقام ترلاسه کړ.

د ستاینغونډې پرانیستونکې وینا پر مهال د ننګرهار پوهنتون رئیس دوکتور مفتي عبدالوارث بسام د دې ستر علمي، څېړنیز او معنوي کنفرانس په بریالي ترسراوي خوښي وښوده او د عالیقدر امیرالمؤمنین شیخ الاسلام حفظه الله تعالی و رعاه، علمیت، درایت، تقوا، توکل، اطاعت، اخلاص، اسلامي نظام استحکام لپاره ورکړیو قربانیو او نورو ځانګړتیاوو په اړه یې خبرې وکړې.

نوموړي وویل، دې کنفرانس د بې شمېره معنوي ګټو تر څنګ د اسلامي امارت د مشرانو، مسؤلینو او چارواکو ترمنځ خپلمنځي اتفاق، درناوی، تعامل او حسنه چلند وښود او سپارښتنه یې وکړه، چې ټول دې د عالیقدر امیرالمؤمنین شیخ الاسلام حفظه الله تعالی و رعاه د فرامینو، احکامو او اوامرو قدر وکړي او په جدي توګه یې تطبیق کړي.

محترم بسام صاحب د ننګرهار پوهنتون د استادانو هڅې، تحقیقات او علمي وړتیاوې وستایلې او ټینګار یې وکړ، چې استادان دې د علم، څېړنو او تالیف په برخه کې خپلې حوصلې او جذبات همداسې پیاوړي وساتي، پر مهمو موضوعاتو دې ګټورې څېړنې وکړي او د ملک په کچه راتلونکو کنفرانسونو کې دې هم خپلې وړتیاوې ثابتې کړي.

د غونډې پر مهال په کنفرانس کې د ننګرهار پوهنتون د ګډونوالو استادانو په استازیتوب د شرعیاتو پوهنځي مرستیال پوهنیار مجیب الرحمن واصل خپل تاثرات شریک کړل.

په پای کې د پوهنتون رهبرۍ او نورو مسؤلینو له خوا د یاد علمي- څېړنیز کنفرانس برخه والو استادانو ته ستاینلیکونه ورکړل شول.

په دې ستاینغونډه کې د ننګرهار پوهنتون رهبرۍ غړو، خصوصي پوهنتونونو یو شمېر مسؤلینو، استادانو، اداري او خدماتي کارکوونکو ګډون کړی و.

سرچینه: د نشراتو او عامه اړیکو امریت

تازه خبرونه

یکشنبه ۱۴۰۵/۹/۱ - ۱۵:۵۶
Background image

د وردګ پوهنتون په علمي – څېړنیز کنفرانس کې د ننګرهار پوهنتون ګډونوال څېړونکي استادان وستایل شول.

ننګرهار پوهنتون خپل هغه استادان وستایل، چې د لوړو زده کړو محترم وزارت په رهبرۍ او وردګ پوهنتون په کوربه توب جوړ شوي (د عالیقدر امیرالمؤمنین شیخ الاسلام حفظه الله تعالی و رعاه د فرمانونو. . .

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

BACK TO NEWS

User account menu