د ننګرهار پوهنتون د نصاب مرکزي کمېټې ددې پوهنتون د رئیس په مشرۍ غونډه وکړه.
په یاده کاري ناسته کې، چې د پوهنتون په ریاست مقام کې ترسره شوه، د ننګرهار پوهنتون د رئیس شیخ انعام الله مدني او علمي چارو مرستیال پوهندوی مولوي احسان الله ناصح سربېره د کمېټې ټولو غړو حضور درلود.
د غونډې پر مهال د نصاب کمېټې د چارو ارزونه وشوه او د یو شمېر پوهنځیو په نصاب کې د شته ستونزو په اړه د بحث تر څنګ د نصاب بهبود، پیاوړتیا او تطبیق په اړه لازمې مشورې او نظریات شریک شول.
د مجلس پر مهال د پوهنتون رهبرۍ غړو په خپلو خبرو کې وویل: د کمېټې نصاب باید د ټولنې اړتیاوو او د وخت غوښتنو ته په کتو سره جوړ او د هغې د تطبیق په برخه کې باید جدي هڅې ترسره شي.
د پوهنتون مشرتابه غړو د نصاب ښه والي او پلي کېدو اړوند د کمېټې هلې ځلې وستایلې او زیاته یې کړه، چې د نصاب ښه والی د تدریسي بهیر په کیفیت او مؤثریت کې اساسي رول لوبوي.
د ننګرهار پوهنتون د نصاب کمېټې مشر پوهاند دوکتور نقیب الله ثاقب د یادو شویو مواردو په برخه کې د پوهنتون مشرتابه ته د همکارۍ ډاډ ورکړ او زیاته یې کړه، چې د کیفیت لوړاوي په موخه د نصاب هرې برخې ته ځانګړي پلانونه لري، چې په تطبیق سره به یې نصاب کره او پیاوړی شي.
