د ننګرهار پوهنتون تدریسي بهیر په حضوري توګه پیل شو
د حضوري زده کړو یاد بهیر د کب په ۱۶ مه نېټه ددې پوهنتون په اړوندو ۱۳ پوهنځیو کې د هېواد د اوبو د مدیریت او د (زمونږ اوبه زمونږ ابرو ده) په شعار سره پیل شو.
د ننګرهار پوهنتون مشرتابه د بېلابېلو پوهنځیو د تدریسي بهیر څخه لیدنه وکړه او مسؤلینو ته یې د یوې میاشتې په موده کې د سمستر د پاتې درسي پلان بشپړولو، حاضریو تعقیب او نورو برخو کې اړینې لارښوونې وکړې.
همدا راز یې له محصلینو غوښتنه وکړه، چې په منظمه توګه درسونو ته راشي او له کم فرصت نه اعظمي استفاده وکړي.
