د ننګرهار پوهنتون علمي شورا غونډه وکړه
په نوموړې کاري ناسته کې، چې د پوهنتون د رئيس پوهاند دوکتور خليل احمد بهسودوال په مشرۍ ترسره شوه، د پوهنتون د علمي، تدریسي، تقرر او ترفیعاتو، د محصلینو د عرایضو او يو شمېر نورو مسايلو په اړه بحث او خبرې اترې وشوې.
د شورا اجنډا د علمي چارو مرستیال پوهندوی دوکتور محمد حامد کډوال د مجلس له غړو سره شريکه کړه، چې د ننګرهار سربېره د کونړ سید جمال الدین افغاني، لغمان او کندز پوهنتونونو د علمي ترفیعاتو ۱۰ کیسونه، د رتبې تثبیت ۲ کیسونه، د څلورو تنو د تقرر او د یوه تن انفکاک کیسونه، د ۴ تنو قراردادي استادانو تقرر، د پوهنځیو د څانګو علمي شوراګانو د غړو ټاکنو لپاره د هیئت تعینول، د محصلینو عرایض څېړل او يو شمېر نور متفرقه مسايل هغه موضوعات وو، چې په اړه یې بحث او پرېکړې وشوې او د وروستیو کړنو په موخه اړوندو څانګو ته محول شول.
