د درسي بهیر ارزونې کمېټې د ژبو او ادبیاتو پوهنځي د تدریسي چارو ارزونه وکړه
د ننګرهار پوهنتون د درسي بهیر ارزونې کمېټې غړو د پوهنتون د محصلانو چارو مرستیال پوهندوی سید اکرم هاشمي په مشرۍ د ژبو او ادبیاتو پوهنځي تدریسي چارې له نږدې ولیدې.
په یاده لیدنه کې، چې د علمي چارو مرستیال پوهندوی دوکتور محمد حامد کډوال هم په کې حضور درلود، د ټاکل شوي چک لېست له مخې د نوموړي پوهنځي تدریسي چارې وارزول شوې.
په خپل وخت د درسونو پیل، محصلینو ته په وخت سره د درسي موادو، پلانونو او کورس پالیسۍ ورکول، درسونو ته د استادانو حاضري، د محصلینو رضایت او شکایتونو ته رسیده ګي، عملي زده کړې او نور هغه څه وو، چې د درسي بهیر ارزونې کمېټې ترې لیدنه وکړه.
د یادونې وړ ده، چې یاده کمېټه به له مهالوېش سره سم د پوهنتون له ټولو پوهنځیو څخه لیدنه وکړي.
