ننګرهار پوهنتون کې د امارتي او خصوصي پوهنتونونو مسؤلینو ته د کیفیت لوړاوي او اعتبار ورکولو د نویو معیارونو د تشریح دوه ورځنی ورکشاپ پیل شو.
یاد ورکشاپ د لوړو زده کړو محترم وزارت د کیفیت لوړاوي او اعتبار ورکولو ریاست له خوا د ننګرهار پوهنتون په تخنیکي همکارۍ د ختیځ زون امارتي او خصوصي پوهنتونونو او دیني تخصصاتو جامعې مسؤلینو ته د کیفیت لوړاوي او اعتبار ورکولو د نویو معیارونو د تشریح او په اړه یې د پوهاوي په موخه جوړ شو.
د ورکشاپ پیلیزه وینا کې د ننګرهار پوهنتون رئیس شیخ انعام الله مدني د کیفیت لوړاوي او اکاډمیک اعتبار اخیستنې او ساتنې په اهمیت او ګټو وینا وکړه او یاد ورکشاپ یې د پوهنتونونو د فعالیتونو بهبود او تحصیلي لړۍ پیاوړتیا لپاره د قدر وړ هڅه وبلله.
د قدرمن شیخ صاحب په وینا د نویو معیارونو تشریح نه یوازې د زده کړو او روانو پوهنتوني چارو کیفیت تضمینوي، بلکې دا به د نړیوالو نورمونو سره هم د پوهنتونونو کړنې او همغږي یقیني کړي.
د غونډې په دویمه برخه د لوړو زده کړو وزارت د کیفیت لوړاوي او اعتبار ورکولو رئیس استاد شاکر وحیدي د ورکشاپ د لومړۍ ورځې اجنډا مسایلو په هکله پرېزنټیشن ارایه کړ، چې په کې د ورکشاپ پېژندنې، د نویو معیارونو طی مراحلو، کیفیت لوړاوي تفصیلي تشریح او دوره یي بیا کتنې په هکله معلومات وړاندې او د ګډونوالو پوښتنې ځواب شوې.
