د ننګرهار پوهنتون محصلینو د (جامعة دارالعلوم الاسلامیه ننګرهار) دیني مدرسې څخه لیدنه وکړه.
د ننګرهار پوهنتون د محصلانو چارو مرستیال په هدایت او د محصلانو خدمتونو همغږۍ امریت مسؤلینو په هڅو د بېلابېلو پوهنځیو (۳۶) تنه محصلین په یو علمي سیر جامعه دارالعلوم الاسلامیه ننګرهار ته لاړل او هلته یې د یادې مدرسې له تدریسي بهیر، کتابتون او مختلفو څانګو څخه لیدنه وکړه.
د ننګرهار پوهنتون یادو محصلینو همدارنګه د مدرسې له مسؤلینو، استادانو او طلباوو سره وکتل، چې د هغوی له لوري ورته د خپلو فعالیتونو په اړه معلومات وړاندې شول.
په علمي سیر تللو محصلینو د یادې دینې مدرسې په لیدو خوښي څرګنده کړه او له خپلو مسؤلینو یې راتلونکي کې د ورته نورو لیدنو او علمي سفرونو غوښته وکړه.
