د ننګرهار پوهنتون د الکترونیکي زده کړو کمېټې نوبتي غونډه وکړه.
د ننګرهار پوهنتون د الکترونیکي زده کړو کمېټې ددې پوهنتون د علمي چارو مرستیال په مشرۍ غونډه وکړه، چې پر مهال یې د یادې کمېټې د تېرو فعالیتونو ارزونه وشوه او راتلونکو پروګرامونو او فعالیتونو لپاره طرحې جوړې شوې.
د غونډې پر مهال د اجنډا له مخې د نویو کورسونو د ثبت لپاره د پوهنځي له لوري د استادانو په معرفي کولو، د (HELMS) سیستم ته د شپې برنامو د محصلانو ډیټا د فارمټ مطابق ترتیبولو، د کورسونو د ثبت په اړه نویو معرفي استادانو ته د روزنې ورکشاپ دایرولو او د پوهنځیو په کچه د الکترونیکي زده کړو کمېټو د تېرو راپورونو ترلاسه کولو او تائیدولو په اړه بحث او خبرې وشوې.
غونډه کې د الکترونیکي زده کړو کمېټې مشر پوهنیار عارف الله ضیاء ګډونوالو سره په (HELMS) سیستم کې د پرمختګونو راپور شریک کړ.
د علمي چارو مرستیال پوهندوی مولوي احسان الله ناصح د خپلې وینا پر مهال د الکترونیکي زده کړو د کیفیت او پرمختګ په اهمیت خبرې وکړې او د محصلینو په زده کړه کې یې د نوې ټکنالوژۍ او معاصرو علمي لارو څخه استفاده کول اړین او ګټور اقدام وباله.
نوموړي ژمنه وکړه، چې یاده برخه کې به استادانو او محصلینو لپاره لازم سهولتونه چمتو کړي.
د غونډې په پای کې پر یو لړ متفرقه مسایلو بحث او په اړه یې لازمې پرېکړې وشوې.
