د ننګرهار پوهنتون منسوبینو ته د دیني او اصلاحي درسونو لړۍ دوام لري.
یاد درسونه د دعوت او ارشاد امریت له خوا ددې پوهنتون استادانو، مامورینو، اداري او خدماتي کارکوونکو ته د درسي او اداري مکلفیتونو تر څنګ په بېلابېلو وختونو کې ورکول کيږي.
همدارنګه هر سهار په اوه نیمو بجو د پوهنتون په جامع مسجد کې یادو کارکوونکو ته د قران عظیم الشان ترجمه هم کیږي.
د یادو درسونو په سلسله کې نن ورځ د منکراتو په ازالې او د معروفاتو په اقامې خبرې وشوې.
د دیني او اصلاحي درسونو یاده لړۍ د پوهنتون د دعوت او ارشاد آمر مولوي مهربان شاه مدني او د یاد امریت مرستیال مولوي نجیب الله ثاقب له خوا پر مخ وړل کیږي، چې پر مهال يې د ګډونوالو پوښتنو ته ځوابونه هم ویل کیږي.
