ننګرهار پوهنتون سره ۲۱۰۰ زینتي بوټو مرسته وشوه.
د نيالګيو ياده مرسته د اقتصاد پوهنځي فارغ نصیب الله رحیمزي له خوا د کرنې ریاست په همکارۍ شوې وه، چې د نوموړي له خوا د ننګرهار پوهنتون د محصلانو چارو مرستیال پوهنوال سید اکرم هاشمي ته په داسې حال کې وسپارل شوه، چې د اقتصاد پوهنځي رئیس پوهنمل محمد صادق رهنما او د یاد پوهنځي استادانو هم حضور درلود.
پوهنوال هاشمي د ښاغلي رحیمزي د مرستې او نېک احساس مننه وکړه او د ننګرهار پوهنتون په نورو فارغانو یې هم غږ وکړ، چې د پوهنتون په علمي او رغنیز پرمختګ کې ونډه واخلي.
