د ننګرهار پوهنتون چاپېریال ساتنې مرکزي کمېټې غونډه وکړه.
په یاده کاري ناسته کې، چې د چاپېریال ساتنې کمېټې د مسؤل پوهنوال سید اکرم هاشمي په مشرۍ ترسره شوه، د کمېټې د غړو سربېره د کرنې پوهنځي استادانو، د پوهنتون د ساتنې او څارنې او لیلیو عمومي مدیریتونو مسؤلینو هم په کې برخه لرله.
محصلینو ته د چاپېریال ساتنې په اړه د عامه پوهاوي سیمینارونو جوړول، د پوهنتون اړوندو پوهنځیو او امریتونو ته د پاکۍ او سمسورتیا په خاطر د ساحو مشخصول، د پوهنځیو په کچه د محصلینو د رضاکارو کمېټو رامنځته کول، د کرنې پوهنځي په فارم کې د پوهنتون د اړتیا وړ نیالګیو کر او روزنه، د چاپېریال د تقویمي ورځو نمانځه او یو شمېر نور مسایل او موضوعات هغه څه وو، چې د غونډې پر مهال پرې بحث او پرېکړې وشوې.
د مجلس په وروستۍ برخه کې پوهنوال هاشمي د مجلس له ګډونوالو غوښتنه وکړه، چې ترسره شوې پرېکړې عملي او راپور یې په خپل وخت د کمېټې له رهبرۍ سره شریک کړي، چې د هغوی له خوا د همکارۍ ډاډ ورکړل شو.
