د ننګرهار پوهنتون مشرتابه ددې پوهنتون د اړوندو پوهنځیو او اداري څانګو څخه لیدنه وکړه.
د ننګرهار پوهنتون رئیس پوهاند دوکتور خلیل احمد بهسودوال، د ننګرهار ولایت د دولتي او خصوصي پوهنتونونو لپاره د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال قاضي خالد صداقت، د علمي چارو مرستيال پوهنمل احسان الله ناصح او د محصلانو چارو مرستیال پوهنوال سید اکرم هاشمي په ملتیا ددې پوهنتون د یو شمېر پوهنځیو او اداري څانګو څخه لیدنه وکړه.
د لیدنې پر مهال د پوهنتون رهبرۍ د استادانو، اداري او خدماتي کارکوونکو د حاضریو کنترول او د اړوندو څانګو د چارو د بهبود او ښه والي په موخه مسؤلینو ته اړینې لارښوونې وکړې.
