د ننګرهار پوهنتون مرکزي کمپس د بیرونۍ نما او داخلي برخو د ښکلا او سرسبزۍ چارې پیل شوې.
په یادو رغنیزو چارو کې د ګلدانونو، ویالو او پیاده روونو جوړول شامل دي، د جلال اباد ښاروالۍ په تخنیکي مرسته د ننګرهار پوهنتون او ښاروالۍ د کاریګرو له خوا ترسره کېږي.
د ننګرهار پوهنتون رئیس پوهاند دوکتور خلیل احمد بهسودوال د لوړو زده کړو وزارت د فوق العاده استازي او د ننګرهار پوهنتون د اداري او مالي چارو مرستیال قاضي خالد صداقت او د محصلانو چارو مرستیال پوهنوال سید اکرم هاشمي په ملتیا د یادو رغنیزو چارو څخه لیدنه وکړه.
د لیدنې پر مهال د پوهنتون مشرتابه د جلال آباد ښاروال مولوي روح الله حقمل له مرستې او همکارۍ مننه وکړه او یاده چاره یې د نوموړي ځانګړې مینه او علاقه وبلله، چې د پوهنتونونو او علمي مرکزونو سره یې لري.
