د ننګرهار پوهنتون علمي شورا نوبتي غونډه وکړه
د ننګرهار پوهنتون علمي شورا ددې پوهنتون د رئيس پوهاند دوکتور خليل احمد بهسودوال په مشرۍ نوبتي غونډه وکړه.
په نوموړي مجلس کې، چې د پوهنتون د علمي چارو مرستيال پوهندوى دوکتور محمد حامد کډوال، د محصلانو چارو مرستيال پوهندوى سيد اکرم هاشمي، د اداري او مالي چارو مرستيال حميدالله احمدزي د بېلابېلو پوهنځيو او تدريسي روغتون رئيسانو او استادانو په کې برخه لرله، د پوهنتون د علمي، اداري، ترفیعاتو، تقرر، رتبې تثبیت، د محصلینو د عرایضو او يو شمېر نورو مسايلو په اړه بحث او پرېکړې وشوې.
د ننګرهار پوهنتون د تقرر او علمي ترفیعاتو ۵ او د رتبې تثبیت ۲ کیسونه، د محصلانو چارو مرستیال له خوا د ځینو پوهنځیو د درسي بهیر ارزونې راپور وړاندې کول، د کمپیوټر ساینس، ژورنالېزم او عامه اړیکو او د عامه ادارې او پالیسۍ پوهنځیو د علمي شوراګانو د رامنځته کېدلو تائید، د لغمان پوهنتون په یو شمېر پوهنځیو کې د نویو دیپارتمنتونو ایجاد، د محصلینو عرض پاڼې او يو شمېر نورو متفرقه مسايل هغه موضوعات وو، چې د غونډې پر مهال یې په اړه بحث او پرېکړې وشوې.
