د ننګرهار پوهنتون رئیس په دې پوهنتون کې د روانو ازموینو له بهیر څخه د نظم و شفافیت ارزونې په موخه لیدنه وکړه.
شیخ انعام الله مدني د پوهنتون د اړوندو پوهنځیو د ازموینو له صحنو څخه لیدنه وکړه او په ازموینو کې د انضباط، شفافیت او ټاکلو معیارونو رعایت اړوند یې مسؤلینو او استادانو ته سپارښتنې وکړې.
نوموړي په خپلو خبرو کې ټینګار وکړ، چې د صنحو مسؤل استادان باید محصلینو سره په چلند کې بې طرفه وي، د صحنو نظم ساتنې ته جدي پاملرنه وکړي او ازموینې په ټاکلي وخت پیل او پای ته ورسوي.
په صحنو کې مؤظفو ممتحنو او ممایزو استادانو د پوهنتون رئیس ته ډاډ ورکړ، چې سپارښتنې به یې عملي کړي.
