د ننګرهار پوهنتون د نړیوال علمي ژورنال (NUISJ) اجرائیه بورد مشورتي ناسته وکړه.
د یادې کاري ناستې پر مهال د بورد غړو د ژورنال د نشر په شرایطو او په یاده برخه کې د پاتې چارو د ترسراوي په اړه بحث او خبرې اترې وکړې.
د ننګرهار پوهنتون رئیس پوهاند دوکتور خلیل احمد بهسودوال د نوموړي ژورنال ایجاد د ننګرهار پوهنتون لپاره ستره علمي لاسته راوړنه وبلله، چې په وینا یې، د نړیوالو مقالو د چاپ په برخه کې به د دې پوهنتون سربېره ورسره د نورو پوهنتونونو د استادانو ستونزه هم هواره شي.
د علمي چارو مرستیال پوهنمل احسان الله ناصح د ژورنال د اجرائیه بورد له غړو مننه وکړه، چې په هلو ځلو یې یاد ژورنال رامنځته شو او اړوندو مسؤلینو ته یې سپارښتنه وکړه، چې د پاتې چارو او خپراوي په برخه کې یې عاجل اقدامات ترسره کړي، چې د هغوی له خوا د همکارۍ ډاډ ورکړل شو.
