د ماسترۍ دورې نوم ليکنې خبرتيا!
Event dates
Event dates -
ننګرهار پوهنتون د نوي تحصيلي کال لپاره د ماسترۍ په لاندې څانګو کې د کانکور ازموينې له لارې محصلين قبلوي:
١- فقهې او قانون څانګه – شرعياتو پوهنځى
٢- تفسير او حديث څانګه – شرعياتو پوهنځى
٣- قضا او څارنوالۍ څانګه – حقوقو او سياسي علومو پوهنځى
٤- پښتو ژبې او ادب څانګه – ژبو او ادبياتو پوهنځى
۵- عربي ژبې (اللغة العربیة) څانګه – ژبو او ادبياتو پوهنځى
۶- اداره او تجارت څانګه – اقتصاد پوهنځى
د نوم ليکنې شرايط:
اړوند پوهنځي څخه د فراغت سند.
د تذکرې اصل او کاپي.
د ديپلوم او ترانسکريپټ اصل او کاپي، چې د لوړو زده کړو وزارت څخه تائيد شوي وي.
د (٦٥) سلنه نمرو لرل.
يوه قطعه رنګه عکس (چې بکګراونډ یې سپین وي).
د فورمې د ډکولو څخه وروسته د اړوند پوهنځي او پوهنتون ریاست تائید او فورمه کې د عکس مهر کول.
هغه کاندیدان، چې له هېواده بهر فارغ شوي، د لوړو زده کړو وزارت د اسنادو د ارزیابۍ مکتوب ولري.
په شرايطو برابر فارغان دې د نوم ليکنې لپاره د روانې عقرب میاشتې له (۱۹) نېټې څخه د قوس تر (۱۹) نېټې پورې د ننګرهار پوهنتون د فوق لیسانس برنامو آمریت ته راشي.
د نوم لیکنې ځای: د فوق لیسانس برنامو آمریت، ساینس بلاک- دویم پوړ، ننګرهار پوهنتون.
د نوم لیکنې وخت: ذکور د سهار له ۸ بجو نه تر ۱۱ بجو / اناث د غرمې له ۱۱ بجو د ماسپښین تر ۳ بجو پورې.
درنښت
د ننګرهار پوهنتون اداره
