د حقوقو او سیاسي علومو پوهنځي محصلینو ته د صورت دعوی لیکلو ورکشاپ دایر شو.
د ننګرهار پوهنتون د محصلانو خدمتونو انسجام امریت اړوند د حقوقي کلينیک عمومي مدیریت په نوښت د حقوقواو سیاسي علومو پوهنځي د څلورم ټولګي محصلینو ته د صورت دعوی د لیکلو یو ورځنی ورکشاپ دایر شو.
د ورکشاپ د پرانیستې وینا پر مهال د ننګرهار پوهنتون د محصلانو چارو مرستیال پوهنیار حافظ سید محمد قاسم هاشمي د حقوقي زده کړو په برخه کې د روزنیزو برنامو په جوړېدو ټینګار وکړ او دا یې محصلینو ته د تیوري ترڅنګ د عملي زده کړو او ظرفیت لوړونې لپاره اړینې او ګټورې وبللې.
نوموړي د محصلانو خدمتونو انسجام امریت له مسؤلینو مننه وکړه، چې د محصلینو د پوهې کچې لوړولو لپاره هلې ځلې کوي او دا ډول ورکشاپونه دایروي.
د یادونې وړ ده، چې ددې ورکشاپ د روزنې چارې د حقوقو او سیاسي علومو پوهنځي د استاد پوهندوی صفي الله صالح عربزي له خوا پر مخ وړل کېدې.
