د ننګرهار پوهنتون تقرر- انفکاک، نظم او دسپلین کمېټو مجلسونه ددې پوهنتون د رئيس پوهاند دوکتور خليل احمد بهسودوال په مشرۍ ترسره شول.
په یادو کاري ناستو کې د پوهنتون د مشرتابه سربېره د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال قاضي خالد صداقت، د علمي چارو مرستیال پوهنمل احسان الله ناصح، د محصلانو چارو مرستیال پوهنوال سید اکرم هاشمي او د اړوندو پوهنځيو رئيسانو برخه لرله.
د مجلسونو پرانیسته د ننګرهار پوهنتون د رئیس پوهاند دوکتور خلیل احمد بهسودوال په وینا سره وشوه او ورپسې د مجلس د غړو له خوا د پوهنتون د بېلابېلو پوهنځیو د علمي کادرونو د انفکاک پر ۱۱، د نظم او دسپلیني تخلفاتو پر ۲ کیسونو او د یو لړ نورو متفرقه مسایلو په اړه بحث او لازمې پرېکړې وشوې.
