یاد به دې زه کړم، ښاد دې خدای کړه!
د مننې پیغام!
د ننګرهار پوهنتون اداره د پریسټن انګلیسي ژبې انیستیتیوت د مشر انجنیر بهارالله دانش شګیوال، د الياس افغان ودانيز شرکت رئيس انجنير خان محمد دوست، د مثبت بدلون ټولنې مشر عبدالبصیر سباوون، ټولنیز فعال حاجي اسرار اکبري، د ځوان ټولنیز بنسټ مرستیال خبیب امیري او د یاد بنسټ د غړي انجنیر نصیرالله سنګین مننه کوي، چې ننګرهار پوهنتون سره یې د لسګونو زینتي بوټو مرسته وکړه او په خپلو نومونو یې نیالګي کېنول.
ننګرهار پوهنتون د یادو ښاغلو د ملي او هېوادني احساس مننه او قدردانی کوي او دا له خپل علمي کور (ننګرهار پوهنتون) سره د دوی ځانګړې مینه او علاقه بولي.
مونږ له همدې ځایه په خپلو ټولو با احساسه وطنوالو غږ کوو، چې د ننګرهار پوهنتون او ټولو تحصیلي بنسټونو په علمي او رغنیز پرمختګ کې ونډه واخلي او په دې توګه د هېواد د روښانه راتلونکې لپاره خپله ژمنتیا په عمل کې ثابته کړي.
منندوی
پوهاند دوکتور خلیل احمد بهسودوال
د ننګرهار پوهنتون رئیس
