ننګرهار پوهنتون کې د هېواد نوموتي او حماسي شاعر ارواښاد مطیع الله تراب فاتحه ترسره شوه.
په یاده فاتحه کې د ننګرهار پوهنتون د رئیس او مرستیالانو تر څنګ د پوهنځیو مسؤلینو، استادانو، اداري او خدماتي کارکوونکو برخه لرله، چې پر مهال یې د مرحوم تراب حماسي شاعري، د ټولنې بیدارۍ جذبه او وطن دوستۍ احساس ستاینه وشوه.
د فاتحې پر مهال په جمعي توګه د ارواښاد تراب کورنۍ ته د آجر عظیم غوښتنه او مرحوم ته مغفرت او جنت الفردوس دعا وشوه.
