په حضوري توګه د پوهنتون د درسونو د پیل خبرتیا!
د افغانستان د اسلامي جمهوري دولت د کابینې د (۱۳- ۱۳۹۹/۴/۲۵) ګڼه پرېکړې، د لوړو زده کړو وزارت د رهبري شورا د (۱۳۹۹/۵/۵) نېټې او د ننګرهار پوهنتون د اداري مجلس د (۱۳۹۹/۵/۱۳) نېټې غونډو له پرېکړې سره سم د ننګرهار پوهنتون د اړوندو پوهنځیو ټولو محصلینو ته خبر ورکول کېږي، چې په حضوري توګه د پوهنتون درسونه د روانې زمري میاشتې په ۱۵مه نېټه د چهارشنبې په ورځ پیلېږي؛ هیله ده، چې د یادې نېټې سره سم خپلو درسونو ته حاضر شئ.
یادښت: دا چې په صنفونو کې د محصلینو شمېر زیات دی، نو روغتیایي تدابیرو ته په پام سره درسونه یې د سهار په شپږو بجو ۶:۰۰ پیل او په دوه شفټونو کې تنظمېږي.
درنښت
د ننګرهار پوهنتون اداره
