ننګرهار پوهنتون کې د ۸ کادري بستونو لپاره له ۲۲ تنو کاندیدانو ازموینه واخیستل شوه.

یاده ازموینه د لوړو زده کړو محترم وزارت او ننګرهار پوهنتون ګډ هیئت له خوا د ننګرهار، بامیان، خراسان او متانت پوهنتونونو انجنیري، اقتصاد، ښوونې او روزنې، ساینس او کمپیوټر ساینس پوهنځیو لپاره واخیستل شوه.
د علمي کادر بستونو یاده ازموینه د لوړو زده کړو وزارت پلاوي او ننګرهار پوهنتون رهبرۍ په حضور کې د ټاکل شوي ممتحنه هیئت له خوا په کرنې پوهنځي کې واخیستل شوه.
د ننګرهار پوهنتون رئیس شیخ انعام الله مدني، د کرنې پوهنځي رئیس پوهنمل طیب الله زاهد، د ننګرهار پوهنتون د استادانو چارو آمر پوهنیار مولوي محمد طارق مخلص د لوړو زده کړو وزارت د تقرر او ترفیعاتو ریاست څخه د راغلي پلاوي مشر ښاغلي نويدالله احمدي په ملتیا د ازموینې اخیستلو بهیر څخه لیدنه او څارنه وکړه.
نوموړو د ازموینې ګډونوالو ته د بشپړ شفافیت ډاډ ورکړ او ویې ویل، چې د عدالت له مخې به حق حقدار ته وسپارل شي.