د ننګرهار پوهنتون د محصلانو چارو مرستیال ښوونې او روزنې پوهنځي کې د ازموینو له صحنو لیدنه وکړه.
پوهنیار حافظ سید محمد قاسم هاشمي د یاد پوهنځي د مرستیال پوهنیار سیف الله شینواري په ملتیا د سمستر نهايي ازموینو له روان بهیر څخه لیدنه وکړه او د ازموینو د نظم او شفافیت په اړه یې ممتحنو او ممایزو استادانو او محصلینو ته لازمې سپارښتنې وکړې.
نوموړي مسؤلینو ته په وینا کې وویل: د ازموینو بهیر باید په بشپړ ډول د اصولو او لوایحو سره سم مخ ته لاړ شي او یاده برخه کې د استادانو تر منځ همغږي او همکاري اړینه ده.
ښاغلي هاشمي محصلین متوجه کړل، چې د هر راز بې نظمۍ څخه ځانونه وساتي.
