د علمي ترفیعاتو مرکزي کمېټې نوبتي غونډه وکړه.
د ننګرهار پوهنتون د علمي ترفیعاتو کمېټې غړو ددې پوهنتون د علمي چارو مرستیال په مشرۍ غونډه وکړه، چې پر مهال یې د بېلابېلو پوهنتونونو د استادانو د علمي ترفیعاتو یو شمېر کیسونو ته کتنه وشوه او د ترفیعاتو پروسې د ښه والي او شفافیت په اړه لازم بحثونه او نظریات وړاندې شول.
د ننګرهار پوهنتون د علمي چارو مرستیال پوهندوی مولوي احسان الله ناصح مجلس ته د خپلې وینا پر مهال د علمي ترفیعاتو په پروسه کې دقت او شفافیت بنسټیز اصل وباله او د کمېټې غړو ته یې سپارښتنه وکړه، چې د علمي ترفیعاتو کیسونو تائید څخه وړاندې د استادانو علمي هڅې او لاسته راوړنې په پام کې ونیسي او عادلانه پرېکړه وکړي.
نوموړي زیاته کړه: د استادانو په علمي او تحقیقاتي هڅو کې د نوښت او کیفیت ملاتړی دی او یاده پروسه کې به ټول اصول او معیارونه تطبیق کړي.
د مجلس په پای کې د ننګرهار، کونړ او غور پوهنتونونو د ۹ تنو استادانو د علمي ترفیعاتو پر کیسونو بحث وشو او د وروستیو کړنو په موخه د پوهنتون علمي شورا ته محول شول.
