د ننګرهار پوهنتون مشرتابه په یاد پوهنتون کې د څېړنيز مرکز ودانۍ د جوړېدو چارې له نږدې وليدې.

د ننګرهار پوهنتون رئيس شــيخ انعام الله مدني په داسې حال کې، چې د پوهنتون د اداري او مالي چارو مرستيال پوهنيار قاضي خالد صداقت او د چاپېريال ساتنې کمېټې مشر پوهنوال سيد اکرم هاشمي يې ملتيا کوله، د څېړنيز مرکز د ودانۍ له رغنيزو چارو ليدنه وکړه.
د ياد مرکز وداني د شهید افسر خان ستانکزي خيريه بنسټ له لوري د ۱۵ میلیونه افغانیو په مالي لګښت د اړینو عصري تجهیزاتو په لرلو سره په ۳ پوړونو کې جوړیږي.
د ننګرهار پوهنتون رئیس شــ/يخ انعام الله مدني او د پوهنتون د اداري او مالي چارو مرستيال پوهنيار قاضي خالد صداقت د یاد مرکز له رغنیزو چارو څخه د لیدنې پر مهال د شـــ/هید افسر خان خیریه بنسټ له مرستیال الحاج مجیب الرحمن ستانکزي او د یادې ودانۍ له مسؤلو انجنیرانو مننه وکړه، چې رغنیزې چارې یې تر دې کچې را ورسولې او سپارښتنه یې وکړه، چې روانې رغنیزې چارې دې په ټاکلي وخت، د نقشې مطابق او په معیاري شکل ترسره کړي.
د شـــ/هید افسر خان خیریه بنسټ  د مسؤلینو په وینا، د یاد څېړنیز مرکز ودانۍ د جوړېدو چارې ۴۰ سلنه ترسره شوي او هڅه کوي، چې د یادې ودانۍ پاتې چارې د ټاکلي مهالویش سره سمې پای ته ورسوي.
نوموړو د پوهنتون مشرتابه ته ډاډ ورکړ، چې کارونه یې په معیاري شکل د نقشې او پلان مطابق روان دي.
په ورته مهال د ننګرهار پوهنتون رئیس او د مالي او اداري چارو مرستیال د پوهنتون په داخلي کمپس کې د چوکونو او ګلدانونو له رغنیزو چارو څخه هم لیدنه وکړه او مسؤلینو ته یې لازمې او اړینې سپارښتنې وکړې.
سرچینه : د عامه اړیکو، اطلاعاتو او نشراتو آمریت