لا به ډېر ګلونه وا شي په دا باغ کې
د مننې پیغام!
ننګرهار پوهنتون ویاړي، چې یو ځل بیا د هغو ژمنو او با احساسه هېوادوالو مننه او قدردانی کوي، چې د خپل علمي کور (ننګرهار پوهنتون) په سمسورتیا او تازه ګۍ یې خپله ريښتینې مینه له هېواد، ولس او پوهې سره په زبات ورسوله.
د چپرهار د محصلینو علمي او ټولنیزې ټولنې مشر ښاغلي عبدالرحمن الفت محمودي او غړو مننه کوو، چې له ننګرهار پوهنتون سره د ۷۵ زینتي بوټو مرسته وکړه.
د مثبت بدلون ټولنې مشر ښاغلي عبدالبصیر سباوون دې کور ودان وي، چې د حجاز ستر پلورنځي د مسؤلینو د ۲۱۱ زینتي او مېوه لرونکو بوټو مرسته یې تر مونږ راورسوله.
د روښانه سباوون ټولنې مشر ښاغلي نصیب الله رحیمزي دې هم کور ودان وي، چې ۱۵۰۰ مېوه لرونکي او بې مېوې نیالګي یې پوهنتون ته راوړل.
د ننګرهار پوهنتون د فارغانو ټولنې د مرستیال ډاکتر حسیب الله ترکي او بل غړي روښان تره کي زیات منندوی یو، چې د ۶۰ بوټو مرسته یې وکړه.
مونږ د یادو ټولو ښاغلو د مرستې او همکارۍ مننه کوو او د لوی خدای (جله جلاله) له درباره ورته د اجر او په راتلونکې کې د زیاتو بریاوو غوښتونکي یو.
لا به ډېر ګلونه وا شي په دا باغ کې
د ګلــزار د غـــوړېــدلـــو يې اغاز دى
مینه او مننه
پوهاند دوکتور خلیل احمد بهسودوال
د ننګرهار پوهنتون رئیس
