د ننګرهار پوهنتون وترنري علومو پوهنځي نوی رئيس د نوموړي پوهنځي استادانو او منسوبينو ته وروپېژندل شو.

nu_admin
دوشنبه ۱۴۰۳/۳/۲۱ - ۱۳:۵۲
Picture

پوهندوی رضوان الله ممله وال د نوموړي پوهنځي د نوي رئيس په توګه له ټاکل کېدو وروسته رسماً د پوهنتون د رئيس شـیخ انعام الله مدني له لوري د اړوند پوهنځي استادانو او اداري کارکوونکو ته وروپېژندل شو.
په همدې پار د وترنري علومو پوهنځي ریاست کې غونډه جوړه شوې وه، چې د ننګرهار پوهنتون د رئيس سربېره په کې د علمي چارو او محصلانو چارو مرستیالانو، د وترنري علومو پوهنځي پخواني او نوي رئیس، د یاد پوهنځي استادانو، د پوهنتون یو شمېر آمرینو او مدیرانو برخه درلوده.
غونډه د ننګرهار پوهنتون د رئيس شیخ انعام الله مدني په پرانيستونکې وينا پيل شوه. نوموړي په متحد او ګډ شکل د کار کولو پر اهمیت او ګټو خبرې وکړې او زیاته یې کړه، چې هڅه کوي د یاد پوهنځي تر څنګ د ټولو پوهنځیو اړتیاوې او ستونزې حل کړي.
هغه زياته کړه: د پوهنتون او وزارت رهبرۍ اړينه وبلله، چې د وترنري علومو پوهنځي د لاښه والي او مثبت بدلون لپاره يو لړ ګامونه پورته کړي، چې په همدې لړ کې یې د یاد پوهنځي د ریاست او رهبرۍ چارې ښاغلي ممله وال ته وسپارلې.
د پوهنتون رئیس چوکۍ او منصب امتياز نه، بلکې ستر مسؤليت او امانت وباله او ښاغلي ممله وال ته يې د نوي مسؤليت د مبارکۍ تر څنګ د پخوانيو مسؤليتونو په څېر د هغې د ښه ترسراوي هيله څرګنده کړه.
د پوهنتون رئيس د وترنري علومو د تېر سرپرست رئيس پوهنمل محمد یونس وزیري د کړنو او هلو ځلو د ستاينې ترڅنګ نوموړي ته د لوى خداى ج له درباره د اجر غوښتنه وکړه. 
د غونډې پر مهال د ننګرهار پوهنتون د علمي چارو مرستیال پوهندوی مــولوي احسان الله ناصح، د وترنري علومو پوهنځي مرستیال او استادانو نوي رئیس ته مبارکي وويله او نوموړي ته یې د مرستې او همکارۍ ډاډ ورکړ.
د غونډې په پاى کې د وترنري علومو پوهنځي نوي رئيس پوهندوی رضوان الله ممله وال خبرې وکړې او د پوهنتون د رياست او وزارت مقام له مشرتابه څخه يې مننه وکړه، چې په نوموړي یې ددې ستر مسؤليت باور وکړ او ژمنه يې وکړه، چې د پخوا په څېر به د پوهنتون له ادارې سره همکار او همغږى وي او د پوهنځي د لاښه والي او معياري کېدو په موخه به نه ستړي کېدونکې هلې ځلې وکړي. 
سرچینه : د عامه اړیکو، اطلاعاتو او نشراتو امریت

تازه خبرونه

سه‌شنبه ۱۴۰۳/۴/۵ - ۱۴:۳۶
Background image

د ننګرهار پوهنتون د فوق لیسانس برنامو بورد نوبتي غونډه وکړه.

د ننګرهار پوهنتون د فوق لیسانس برنامو بورد ددې پوهنتون د علمي چارو مرستیال په مشرۍ غونډه وکړه، چې پر مهال یې د فوق لیسانس برنامو د لا زیاتې معیاري کېدا، پراختیا، پر محصلینو د وخت او. . .

دوشنبه ۱۴۰۳/۴/۴ - ۱۳:۴۶
Background image

د ننګرهار پوهنتون د نړیوال علمي ژورنال (NUIJB) د نشراتي پالیسي د غوره والي په موخه ناسته ترسره شوه.

په یاده کاري ناسته، کې چې د ننګرهار پوهنتون د علمي چارو مرستیال په مشرۍ ترسره شوه او د نړیوال ژورنال د نشراتي برخې سره د مربوطه پوهنځیو استازو په کې ګډون کړی و، د ژورنال د جواز تمدید، د. . .

دوشنبه ۱۴۰۳/۴/۴ - ۱۳:۴۲
Background image

د ننګرهار پوهنتون د مالي او اداري چارو مرستیال د یاد معاونیت اړوندو آمرینو سره غونډه وکړه.

د ننګرهار پوهنتون د مالي او اداري چارو مرستیال پوهنیار قاضي خالد صداقت په داسې حال کې، چې د یاد پوهنتون د علمي چارو مرستیال پوهندوی مـولوي احسان الله ناصح هم حضور درلود، د مالي او اداري. . .

BACK TO NEWS

User account menu