د ننګرهار پوهنتون نویو استخدام شویو اداري کارکوونکو ته د ظرفیت لوړونې دوه ورځنی ورکشاپ دایر شو.
یاد ورکشاپ د دې پوهنتون د بشري سرچینو آمریت د ظرفیت لوړونې عمومي مدیریت په نوښت د مسلکي زده کړو پرمختیایي مرکز PDC کې جوړ شوی ؤ، چې د بېلابېلو څانګو ۲۰ تنو مامورینو په کې برخه لرله.
په یاد دوه ورځني ورکشاپ کې د اداري مراسلاتو، ارزونې فورمو او نورو بېلابېلو موضوعاتو په اړه ګډونوالو ته روزنه ورکړل شوه، چې د روزنې چارې یې د ننګرهار پوهنتون بشري سرچینو آمر حسین احمد سمندر او د اسنادو او سوانحو عمومي مدیر محب الله عمر له خوا پر مخ وړل کېدې.
