د ننګرهار پوهنتون د علمي ترفیعاتو کمېټې نوبتي غونډه وکړه.
د ننګرهار پوهنتون د علمي ترفیعاتو کمېټې غړو ددې پوهنتون د رئيس شــ/يخ انعام الله مدني په مشرۍ چې پر مهال يې د علمي چارو مرستیال پوهندوی احسان الله ناصح هم موجود و، غونډه وکړه.
د ننګرهار پوهنتون رئيس شيخ انعام الله مدني د یاد مجلس د پرانیستې پر مهال د لوړو زده کړو وزارت د اصولو او مقرراتو سره سم د استادانو د علمي ترفیعاتو کیسونو پر چټکوالي تاکید وکړ او د کمېټې غړو استادانو ته يې د ترفيعاتو کيسونو کتنه کې د اصولو په پام کې نيولو سپارښتنه وکړه.
نوموړي د کمېټې د غړو وړانديزونه او غوښتنې هم واورېدې او ورته د رسيدو ډاډ يې ورکړ.
د ننګرهار پوهنتون د علمي چارو مرستيال پوهندوی احسان الله ناصح د خپلې وينا پر مهال د کمېټې د پلان ګذارۍ او راپورونو پر وخت چمتو کولو څخه مننه وکړه او په چارو کې د معيار په پام کې نيولو تر څنګ يې سپارښتنه وکړه، چې د ترفيع کيسونو له بشپړوالي څخه د اطمنان حاصلولو وروسته دې کره کيسونه علمي شورا ته محول شي.
د مجلس په وروستۍ برخه کې د ننګرهار، کنړ، نورستان او لغمان پوهنتونونو د ۸ تنو استادانو د علمي ترفیعاتو پر کیسونو بحث وشو او د وروستیو کړنو په موخه د پوهنتون علمي شورا ته محول شول.
سرچینه: د عامه اړيکو، اطلاعاتو او نشراتو امريت
