د ننګرهار پوهنتون اقتصاد، ژورنالېزم او ارتباطاتو، ښوونې او روزنې، ساینس، شرعیاتو، ژبو او ادبیاتو، کمپیوټر ساینس او انجنیري پوهنځیو هم خپلو نويو محصلينو ته د ښه راغلاست او د پوهنتون چاپېريال سره د پېژندګلوۍ غونډې جوړې کړې.
په یادو مراسمو کې د ذکر شویو پوهنځیو د رئیسانو او استادانو سربېره د ننګرهار پوهنتون د محصلانو چارو مرستيال پوهنوال سيد اکرم هاشمي هم برخه لرله.
ښاغلي هاشمي نویو راغلو محصلینو ته ښه راغلاست ووایه او زیاته یې کړه، چې ننګرهار پوهنتون په علمي او تاریخي لحاظ د هېواد د دویم ستر اکاډمیک مرکز په توګه د نږدې څلوېښت زرو تنو مسلکي کادرونو د روزنې او فراغت ویاړ لري.
نوموړي وویل: د پوهنتون چاپېریال کاملاً اکاډمیک دی او د هر ډول قومي، ژبني او سمتي توپیر پرته له محصلینو سره قانوني او اصولي چلند کېږي.
د محصلانو چارو مرستیال نوي راغلي محصلین خپلو مسؤلیتونو ته ځیر کړل او ترې ویې غوښتل، چې د نورو بې ځايه بوختياوو پر ځاى خپل وخت په تدريس، مطالعې او څېړنو تېر کړي.
د غونډو په وروستیو کې د یادو شویو پوهنځیو مسؤلینو او استادانو نویو راغلو محصلینو ته د اړوندو پوهنځیو د تشکيلاتي جوړښتونو، څانګو، استادانو، نصاب، کريډيټ لايحې، د ليليې مقررې، نظم
