د خواشينۍ او غمشریکۍ پیغام!
د ننګرهار پوهنتون رهبري، استادان، محصلین او ټول منسوبین د پکتیکا او خوست ولایتونو په وروستۍ زلزلې، چې په کې زمونږ زیات هېوادوال شهیدان، ټپیان او بې کوره شول، خپله ژوره خواشیني څرګندوي او خپل ځان په دې ستر غم او ماتم کې شریک ګڼي.
د الله تعالی له درباره شهیدانو ته د فردوس جنت، ټپیانو ته د عاجلې روغتیا او د غم ځپلو کورنیو پاتې غړو ته د جمیل صبر غوښتنه کوي.
د پوهنتون اداره په خپلو استادانو، محصلانو او اداري کارکوونکو غږ کوي، چې په دې سخت وخت کې د خپلې وسعې او توان په اندازه د خپلو غم ځپلو هېوادوالو مرستې او کومک ته را ودانګي او دغه راز د ټولو ملي او نړیوالو مرستندویه بنسټونو او ټولو شریفو هېوادوالو غوښتنه کوي، چې د اسلامي، انساني او هېوادني مسؤلیت له مخې په خپلو مرستو او کومکونو سره د یاد ناورین ځپلو هېوادوالو مرسته او ملاتړ وکړي.
درنښت
پوهاند دوکتور خليل احمد بهسودوال
د ننګرهار پوهنتون رئيس
