د ننګرهار پوهنتون د نشراتو کمېټې غونډه وکړه.
په یاده کاري ناسته کې، چې د ننګرهار پوهنتون د علمي چارو مرستیال په مشرۍ او یادې کمېټې د غړو په حضور کې د ژورنالېزم پوهنځي په ریاست کې ترسره شوه، د استادانو د تالیف او ژباړل شویو اثارو تر څنګ د پوهنتون پر مهمو نشراتي مسایلو بحثونه او په اړه یې لازمې پرېکړې وشوې.
غونډې ته د وینا پر مهال د ننګرهار پوهنتون د علمي چارو مرستیال پوهندوی احسان الله ناصح د کمېټې په ناسته کې د ټولو غړو په شتون خوښي وښوده او هغوی ته یې د طرزالعمل مطابق او د اصولو په رڼا کې د کمېټې د چارو د ترسراوي او کیسونو په کتنه کې د دقیق اوسېدو او ناپیلتوب سپارښتنه وکړه.
د غونډې پر مهال د اجنډا مطابق پر مختلفو مسایلو هر اړخیز بحثونه وشول، وړاندیزونه شریک او د نظریاتو تبادله وشوه.
د غونډې په وروستۍ برخه کې پر یو لړ متفرقه مسایلو هم بحثونه او پرېکړې وشوې.
سرچینه: د عامه اړیکو، اطلاعاتو او نشراتو امریت
