د ننګرهار پوهنتون محصلینو ته د اب و هوا او ځنګلونو ساتنې په هکله معلوماتي سيمينار وړاندې شو.
یاد سيمینار، چې د لوړو زده کړو محترم وزارت په هدایت او د محصلانو خدمتونو همغږۍ امریت په نوښت د ننګرهار پوهنتون د لیلیې په تالار کې وړاندې شو، پر مهال یې لسګونو محصلینو ته د اوبو، هوا او ځنګلونو حفاظت اړوند معلومات او پوهاوی ورکړل شو.
سيمینار دوه برخې لرلې؛ په لومړۍ برخه کې یې د ننګرهار پوهنتون د کرنې پوهنځي استاد پوهنمل محمد غني راغب د زرغون چاپېریال په ګټو، ځنګلي منابعو نه شتون منفي اغېزو، ځنګلونو ساتنې او نورو برخو اړوند تفصیلي معلومات وړاندې کړل او د امارت تر څنګ یې هر شخص د هغې د ساتنې مسؤل وباله.
د سيمینار په دویمه برخه کې د انجنیري پوهنځي استاد پوهنیار محمد یعقوب شرافت له لوري د اوبو او هوا ارزښت او ساتنې په اړه چمتو شوی پرېزنټېشن وړاندې شو، چې یاد موضوعاتو په کې په پوره تفصیل سره بیان شوي وو.
د سيمینار په وروستۍ برخه کې محصلینو پوښتنې وکړې او استادانو ورته ځوابونه وویل.
د ننګرهار پوهنتون د محصلانو خدمتونو همغږۍ آمر قاري بشیر احمد احمدي د سيمینار ارایه کوونکو استادانو څخه د مننې تر څنګ ژمنه وکړه، چې راتلونکي کې به هم محصلینو ته به په اړینو موضوعاتو علمي او معلوماتي سيمینارونه چمتو کړي.
