د ننګرهار پوهنتون اداري، تقرر ـ انفکاک، نظم او دسپلین مجلسونه ددې پوهنتون د رئیس په مشرۍ ترسره شول.
یاد مجلسونه، چې د ننګرهار پوهنتون په ریاست مقام کې ترسره شول او د پوهنتون د علمي چارو، اداري او مالي چارو او محصلانو چارو مرستیالانو په کې برخه لرله، پر مهال یې د بېلابېلو اداري موضوعاتو، د استادانو تقرر ـ انفکاک، نظم او دسپلین کیسونو او یو لړ متفرقه مسايلو په اړه بحث او پرېکړې وشوې.
د ننګرهار پوهنتون رئيس شیخ انعام الله مدني، د علمي چارو مرستیال پوهندوی مولوي احسان الله ناصح، د اداري او مالي چارو مرستیال پوهنیار قاضي خالد صداقت او د محصلانو چارو مرستیال پوهنیار حافظ سید محمد قاسم هاشمي د یادو مجلسونو ګډونوالو سره په ګډه د اجنډاوو له مخې د پوهنتون پر یو شمېر املاکي او تدارکاتي موضوعاتو، لیلیې او یو شمېر اداري څانګو فعالیتونو، کارکوونکو ته د ظرفیت لوړونې برنامو، د یو شمېر پوهنځیو په چارو کې د شته ستونزو او د پوهنتون لاسته راوړنو په اړه خبرې وکړې او د ستونزو حل په موخه پلانونه جوړ شول.
د مجلس په اخري برخه کې د ننګرهار او التقوی پوهنتونونو د استادانو د تقرر۷ کیسونو او د ننګرهار پوهنتون د نظم او دسپلین ۶ موضوعاتو په هکله بحث او لازمې پرېکړې وشوې.
